Hópaþjálfun með áherslu á æfingar fyrir einstaklinga með slitgigt eða eru með skertan styrk í neðri útlimum. Hópaþjálfunin hentar einstaklingum sem vilja bæta styrk í neðri og efri útlimum. Einnig er lögð áhersla á að þjálfa líkamsvitund, líkamsstöðu og jafnvægi. 

 

Litlir hópar með 4-5 manns saman í hóp þar sem hver og einn þjálfar eftir sinni getu.

 

Umsjón: Nína Dóra Óskarsdóttir sjúkraþjálfari

Uppsetning þjálfunar

  • 6 vikna námskeið 

  • Æft er 2x í viku 50-60 mín

  • Mælingar í byrjun og lok námskeiðs

  • Í fyrsta tímanum er 20 mínútna fræðsla um styrktarþjálfun, þolþjálfun, farið yfir einkenni slitgigtar og ávinning þjálfunar.

Uppsetning tímanna

  • Upphitun

  • Stöðvaþjálfun, unnið í 45 sek og hvíld í 20 sek

  • Áhersla á styrk, þol, jafnvægi og líkamsvitund

  • Teygjur í lok tímans

Afhverju hópþjálfun

  • Tækifæri til þess að hitta aðra í svipaðri stöðu, deila reynslu, getur verið hvetjandi.

Hvað er slitgigt?

  • Breytingar í liðbrjóski, ójafnvægi verður á milli uppbyggingu og niðurbrot brjósks og nær ekki að endurnýja sig. 

  • Niðurbrot verður meira en endurnýjun. 

  • Hefur áhrif á allan liðinn, bein og mjúkvefir geta orðið fyrir breytingum. 

  • Sjúkdómseinkennin geta verið eymsli, minnkuð hreyfing, marr eða brak.

  • Getur leitt til stirðleika og valdið verkjum.

  • Helstu liðir sem verða fyrir óþægindum eru hendur, einkenni í hnjám og mjöðmum.

  • Orsakir slitgigtar er óþekkt, ýmsir áhættuþættir geta haft áhrif eins og aldur, kyn, erfðir og líkamsþyngd.

​Áhrif þjálfunar

  • Getur haft jákvæð áhrif á brjósk í liðunum. Hæfilegt álag er talið vera lykillinn til að halda jafnvægi á niðurbroti og uppbyggingu í liðbrjóskinu. Þegar við hreyfum okkur erum við að næra liðina sem er gríðarlega mikilvægt fyrir einstaklinga með slitgigt.

  • Getur aukið úthald, fólk upplifir minna erfiði við líkamlega áreynslu.

  • Getur bætt vöðvastyrk og haft áhrif á getu vöðvanna til þess að vinna.

  • Getur bætt starfsemi hjarta -og æðakerfi, haft jákvæð áhrif á súrefnisflutning til vöðvanna.

  • Regluleg hreyfing og styrktarþjálfun getur haft áhrif á beinin. 

  • Auk þess getur regluleg hreyfing haft jákvæð áhrif á blóðþrýsting, blóðsykur og líkamssamsetningu.

Styrktar- og slitgigtarnámskeið